Parlament Ukrajine usvojio je danas zakon kojim se Viktoru Janukoviču ukida zvanje predsjednika.
Za taj zakon glasao je 281 poslanik ukrajinske Vrhovne Rade, a da bi bio usvojen bilo je dovoljno 226 glasova, prenijela je agencija Tas s.
To je prvi put da ukrajinski parlament usvoji takav zakon, kojim će Janukoviču biti oduzete sve povlastice u kojima bivši lideri uživaju.
Prema poslanicima, Janukoviču je trebalo ukinuti “titulu predsjednika” jer je sam sebe razriješio dužnosti “na neustavan način”, a što je predstavljalo prijetnju za teritorijalni integritet i suverenitet zemlje i vodilo ka “masovnom kršenju prava i sloboda građana”.
Janukovič je izabran za predsjednika Ukrajine 25. februara 2010. godine.
Janukovič je pobjegao iz Kijeva 21. februara prošle godine, zbog, kako je naveo, državnog udara u Ukrajini.
Sljedećeg dana ukrajinski parlament mu je oduzeo sva njegova ovlašćenja.
Trafika|Ba|Agencije
